رياضة

‏الأهلي يجب التعاقد مع حارس مرمى لتعويض غياب الشناوى 

‏الأهلي يجب التعاقد مع حارس مرمى لتعويض غياب الشناوى 

‏الأهلي يجب التعاقد مع حارس مرمى لتعويض غياب الشناوى

السويس _ عبدالتواب الشريف

خلاصة الكلام فى رأيى الشخصى
الأهلى مطالب بالتعاقد مع حارس مرمى لتعويض غياب الشناوى
الناس اللى ممكن تعترض وتقول مصطفى شوبير كويس ومحتاج يأخذ فرصة وإمتى بقى هيلعب وممكن تعتمد عليه
هأقولك رأيى بالراحة
■ أولا :: مفيش حارس مرمى وصل لمستواه العالى وأصبح رقم أساسى فى فريقه من غير ما يقع فى أخطاء كارثية فى بداياته
أحمد شوبير وعصام الحضرى وحتى الشناوى أول ما طلع من مرحلة الشباب شوفنا معاهم أخطاء كارثية بسبب نقص الخبرة فى مركز رأس مال اللى بيشغله هو الخبرات المتراكمة وتقبل الجمهور لأخطاء الحارس حتى يمكن الإعتماد عليه بصورة كاملة مش مضمون
■ ثانيا :: وجود حارس أكبر سنا من الموجودين حاليا وعنده خبرات لعب فى الدورى مهم جدا حتى على الأقل تواجده معهم فى التدريب مهم لكن يبقى الحراس الثلاثة فى تدريب الأهلى كلهم فى سن واحد يعتبر صغير نسبيا ومع كونهم جميعا قليلى الخبرة هو مجازفة كبيرة وخلينا فاكرين إنه فى الأهلى وفى مرحلة بداية الإعتماد على أحمد شوبير المرحوم ثابت البطل كان موجود فى الفريق وده بالتأكيد أعطى خبرة وثقل لشوبير ساعد على تطوره.
من المهم أيضا نلاحظ إن مركز حراسة المرمى هو من المراكز اللى تبادل الخبرات فيه مهم جدا وأرجع وأكرر وجود 3 حراس مرمى متقاربين فى السن وفى قلة الخبرة هيبقى مخاطرة كبيرة

● ده رأيى وممكن يكون خطأ وأتمنى الأهلى يوفق فى القرار المتخذ فى هذا الأمر أيا كان سواء التعاقد مع حارس مرمى أو الإعتماد الكامل على الموجودين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى