محافظات

زوجة تصرخ فى المحكمة جوزي مش عايز يوديني للدكتور

زوجة تصرخ فى المحكمة جوزي مش عايز يوديني للدكتور

أسرارالبلد  _ مروه عبده

سردت عزيزة قصتها مع زوجها قائلة أنها تزوجت قبل 12 عاما من زوجها الذي تربطها به علاقة قرابة من بعيد من جانب والدتها، حيث قابلها في أحد الأفراح وتقدم للزواج منها وتمت الخطوبة فترة عاما ثم تزوجت عزيزة منه.

واستكملت عزيزة في قصتها مع زوجها، أن المشاكل كانت في أغلب الأحيان بسبب المصروفات الخاصة بالمنزل والمعيشة، وكانت تحاول وضع حلول للمشكلات مرددة – كنت عايزة أعيش وأمشي حياتي إلا أن زوجها كان يفتعل المشكلات معها وكأنه يريد إنهاء تلك الحياة الزوجية ولا يكملها.
وتابعت عزيزة في قصتها مع زوجها بعد السنين دي كلها تعبت وروحت للدكتور وجالي الغدة وطلبت منه فلوس عشان العلاج، لكن كان بيقولي خلي أهلك يصرفوا أنا حالي على القد.. مش عارفة إزاي قدر يقول حاجة زي دي وسبت البيت وروحت قعدت عن أختي ومحدش كان عارف وبعد أسبوع والدي عرف وقالي ارجعي البيت وأنا هبعتلك الفلوس ومشي حياتك وحافظي على بيتك.

وأضافت عزيزة في قصتها، لما رجعت البيت هو رجع وقالي يعني رجعتي يعني وقولت له بابا قالي أرجعي البيت وملكيش دعوة بحاجة اتخانق معايا ..وقالي خلاص خليه بقى كمان يصرف على البيت وعمل مشكلة معايا تاني وطردني بره الشقة ورجعت لوالدي اللي كلمه وقاله يابني انفصلوا احسن وقال لا وبعدها روحت رفعت قضية خلع عليه في المحكمة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى