حوادث

زوج يصرخ بأعلى صوته في المحكمة: مراتي عاوزة تخلي جسمها زي الممثلين

زوج يصرخ بأعلى صوته أمام المحكمة : مراتي عاوزة تخلي جسمها زي الممثلين

أسرارالبلد_ سيد الملاح

بدأ الزوج الغلبان حديثه أنا متجوز مراتي من 15 سنة وكانت قنوعة وبتحبني وراضية بيا وبظروفي في الفترة الأخيرة لاحظت أنها بقيت تتأثر أوي بالممثلين وشكلهم ولبسهم والحياة اللي هما عايشينها وبتطالبني أني أعيشها نفس العيشة دي ومبقيتش راضية كمان بحالها ولا بشكلها وبتقارن نفسها بيهم طول الوقت وتشوف نفسها وحشة قصادهم مع أني دايما أقولها انها بسيطة وجميلة وأني حابب شكلها كدة لكن برضه مبتقتنعش بكلامي .

وتابع :” مراتي جت وطلبت مني أوديها لدكتور تجميل ينحت جسمها عشان تبقي شبة الممثلين وطلبت مني كمان فلوس كتيرة تشتري بيهم لبس وفساتين جديدة وطلبات تانية كتيرة اوي بقيت الاقيها من مراتي ممكن تعدي الـ100 الف جنية ولما رفضت أني البيلها طلباتها أتهمتني بالبخل قدام أهلها وصحابها رغم أنها أكتر واحدة عارفة الظروف وعارفة أن يادوب اللي معانا يكفي مصاريف الولاد وأحتياجاتهم ومدارسهم لكن هي رغبتها للتقليد عميتها عن كل ده ومبقيتش قادرة تشوف غير نفسها “.

وأختتم :” مراتي رفعت عليا قضية خلع عشان تخلص مني وأنا مش عارف أنا أية ذنبي وأية اللي قصرت فيه معاها كان أية المطلوب منى اعمله وأنا عندي 4 عيال مسؤولين مني ورغم أن كل أهلها عارفين أني عمري ما قصرت معاها ولا مع عيالي في حاجة ومع ذلك محدش منهم دافع عني ولا أقنعها ترجع عن اللي في رأيها ورغبتها في الأنفصال بسبب تأثيرها عليهم ودلوقتي أنا مقداميش حل غير أني أرضى بالأمر الواقع وأبعد عنها وخصوصا أني أكتشفت أنانيتها وغدرها وعوضي عند ربنا “.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى