مقالات

بلاش تحكوا اسرار بيوتكم للناس هتعيشوا سعداء

بلاش تحكوا اسرار بيوتكم للناس

كتب/ عبدالتواب الشريف

بطلوا تتكلموا وتحكوا اسرار بيوتكم للناس كفاية

■ عاوز تسافر متقعدش تحكي مع الناس

■ ربنا مبارك في عيالك وأهلك بلاش تحكي عنهم للناس

■ ربنا رزقكم وفتح عليك بشغل وفيه رزق متقولش للناس

■ احتفظوا باسرار بيوتكم وبلاش تحكوا عنها للناس البيوت خربت واتقلت البركة منها لما طلعتوا اسراركم برها وقلتوا عليها للناس

■ حرام عليكم اقفلوا بيوتكم علي اسراركم عشان تقدروا تحافظوا عليها

■ بطل أو بطلى تحكوا عن مشاكلكم للناس بره

■ احتفظوا بيها جوه بيوتكم

■ يا اخي عيب عليك تطلع أنت وعيالك ومراتك علي الميديا

■ ليه تعرى نفسك وعيالك قدام الناس انت عارف أنا الميديا عامل زي القطر بيفرم اللى قدامه أو النار اللى بتحرق كل اللى بطوله

■ هو أنتوا ليه مصمم تحط مراتك وعيالك قدام القطر عشان يفرمهم أو نار تحرقهم

■ خلى بالك أو خلى بالك كل اللى عرض نفسه هو وعياله على الميديا كان سبب في خرب بيته وهدمه

■ أرجوكم احفظوا لسانكم وبطلوا تتكلموا عن حياتكم للناس بيوتكم اسراركم هتفلحوا وهتكسبوا دنيا وآخره لأن لسانك حصانك أن صنته صانك وأن هنته هانك بلاش تتكلموا وتحكوا اسرار بيوتكم هتعيشوا سعداء

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى