مقالات

الإعلام الغربى لايناصر الكيان الصهيونى الارهابى فقط ..لا .. دا عدو للاسلام والمسلمين كمان !!

الإعلام الغربى لايناصر الكيان الصهيونى الارهابى فقط ..لا .. دا عدو للاسلام والمسلمين كمان !!

السويس _ أحمد فؤاد

لو اديتلك الصورة دي وطلبت منك تطلعلي الشخص الإرهابي فيهم، للوهلة الأولى نظرك هيروح للشيخ اللي في النص فوق، ملتحي.. لابس عمامة.. ذو نظرة شريرة كلها إرهاب ودم!

لكن يؤسفني أخيِّب ظنك وأقولك إن الشيخ ده هو الوحيد فيهم اللي مش إرهابي، هو الشيخ الباكستاني ”محمد رفيق“ أو المُلقَّب بـ”البطل رفيق“ صاحب الـ65 عام، قدر يمنع حادث إرهابي في مسجد بالنرويج كان هيروح فيه عشرات الضحايا.

أما الشاب الكيوت اللي على اليمين فوق ده هو ”فيليب مانسوس“ الإرهابي اللي حاول قتل المُصلين في النرويج. (1)

واللي تحت على اليمين ده هو ”برينتون تارانت“ إرهابي متطرف قتل حوالي 49 من المُصلين في مسجد النور في نيوزلندا. (2)

على شماله هتلاقي شاب كيوت عنده 21 سنة اسمه ”أنطون بيترسون“.. ده إرهابي هجم على مدرسة للمهاجرين في السويد وقتل مُدرِّس عراقي وطالب صومالي. (3)

أما تحت على الشمال بقى هتلاقي واحد شكله كيوت برضو اسمه ”ألكسندر بيسونيت“ ده إرهابي هجم على مسجد المركز الثقافي الإسلامي في مدينة كيبيك الكندية، قتل 6 من المُصلين، وتسبب في جروح لـ19 آخرين. (4)

واللي فوق على الشمال ده اسمه ”ستيب لوزينا“ عنصري إرهابي هجم على امرأة حامل في أستراليا بسبب إنها محجبة وضربها حوالي 14 مرة. (5)

المُضحِك في الموضوع بقى إن الـ6 أشخاص دول لو مشيوا في نفس الشارع وحصل حادث إرهابي؛ أول واحد هتتوجه له أصابع الاتهام هو الشيخ محمد رفيق!

ولسة برضو بنسأل: ليه الإعلام مش بيتكلم عن اللي حصل وبيحصل للمسلمين في أنحاء العالم؟!
ماهو للأسف المسلمون ربنا اعطاهم كل النعم وسخر لهم العالم بكل تقدمه ليكون بين أيديهم لكنهم تركوا كل هذا وركعوا تحت أقدام الغرب ليكونوا عبيداً لهم لا عبيداً لله الواحد الأحد !!

الغرب . . وجوه بيضاء وقلوب بيضاء مثل الفحم تجاه الاسلام والمسلمين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى